Lyric Poem · Love
Lord Gregory: A Ballad
by Robert Burns
O MIRK, mirk is this midnight hour,
And loud the tempest’s roar;
A waefu’ wanderer seeks thy tower,
Lord Gregory, ope thy door.
An exile frae her father’s ha’,
And a’ for loving thee;
At least some pity on me shaw,
If love it may na be.
Lord Gregory, mind’st thou not the grove
By bonie Irwine side,
Where first I own’d that virgin love
I lang, lang had denied.
How aften didst thou pledge and vow
Thou wad for aye be mine!
And my fond heart, itsel’ sae true,
It ne’er mistrusted thine.
Hard is thy heart, Lord Gregory,
And flinty is thy breast:
Thou bolt of Heaven that flashest by,
O, wilt thou bring me rest!
Ye mustering thunders from above,
Your willing victim see;
But spare and pardon my fause Love,
His wrangs to Heaven and me.
This poem is in the public domain.
“Lord Gregory: A Ballad” by Robert Burns — quilloak.com/poems/lord-gregory-a-ballad
Keep reading
Sonnet 18: Shall I compare thee to a summer's day?
William Shakespeare · 1609
14 lines · sonnet
Sonnet 116: Let me not to the marriage of true minds
William Shakespeare · 1609
14 lines · sonnet
Sonnet 130: My mistress' eyes are nothing like the sun
William Shakespeare · 1609
14 lines · sonnet